FULL TEXT: Opening prayer by Senator Kiko Pangilinan as VP Sara Duterte's impeachment trial begins

This is the opening prayer led by Senator Francis "Kiko" Pangilinan as the impeachment trial of Vice President Sara Duterte began on Monday (May 18, 2026).

18 MAY 2026 (MON) AS OF 3:15 P.M. | SENATE OF THE PHILIPPINES

PANGINOONG DIYOS NG HABAG, LUMALAPIT KAMI SA INYO BILANG ISANG BANSA SA AMING ORAS NG KATOTOHANAN.

NAGPAPAKUMBABA KAMI AT HUMIHILING SA INYO: MAGTATAG NG KATARUNGAN NANG GUMALING ANG AMING BAYAN.

IPINAPANALANGIN NAMIN ANG LAHAT NG SENATOR-JUDGES AT LAHAT NG OPISYAL SA PARATING NA IMPEACHMENT TRIAL. NAWA’Y ANG MAGIGING BAWAT PASYA NAMIN AY NAKATUNTONG SA KATOTOHANAN, EBIDENSYA, AT KONSENSYA.

PANGINOONG DIYOS NG KATARUNGAN, GABAYAN NIYO KAMI SA PAGLILITIS NA ITO UPANG MASAGOT NANG TAMA ANG MGA TANONG NA: SINO BA KAMI BILANG PILIPINO? BILANG ISANG BAYAN?

PATAS BA ANG BATAS DITO SA LUPANG HINIRANG? O KALASAG LAMANG NG MAKAPANGYARIHAN?

TULUNGAN NIYO PO KAMING GAWING DAAN DIN ITO TUNGO SA KATARUNGAN AT KATOTOHANAN PARA SA BAWAT PILIPINO, LALO NA SA PINAKAMADALING APIHIN AT ABUSUHIN.

PANGINOONG DIYOS NG KASAYSAYAN, TULUNGAN NIYO PO KAMING SAGUTIN ANG HAMON NG PANAHON AT UNAHIN ANG INTERES NG BAYAN AT HINDI NG SARILI. TULUNGAN NIYO PO KAMING BIGYANG-BIGAT ANG HATOL NG KASAYSAYAN AT HINDI NG PULITIKA.

SALAMAT SA MARAMING BESES NIYO NANG PAGSAGIP SA AMIN SA TILA TIYAK NA KAGULUHAN AT SAKUNA.

PANGINOONG DIYOS NG HABAG, KATARUNGAN, AT KASAYSAYAN, HABANG NAGAGANAP ANG PAGLILITIS, INGATAN NIYO ANG AMING BANSA LABAN SA POOT, KARAHASAN, AT KAGULUHAN. ANG GALIT PO NG TAUMBAYAN, GAWIN NIYONG MATINDING PAGHAHANGAD SA TOTOO AT MAKATARUNGAN. HINDI PAGHIHIGANTI.

MAGTAAS PO KAYO NG MGA PINUNONG NAUUNAWAAN NA ANG TUNGKULIN SA BAYAN AY SAGRADO. NG MGA PINUNONG TUNAY NA PASTOL: NAGLILINGKOD, HINDI MAABUSO ANG PWESTO.

PADALUYIN NIYO ANG KATARUNGAN SA PILIPINAS NA PARANG ILOG, AT ANG KATUWIRAN NA PARANG BATIS NA HINDI NATUTUYO.

SA INYONG HABAG, ANG PAGLILITIS NA ITO, GAWIN NIYO PONG SIMULA NG PAGBABAGO TUNGO SA KATAPATAN, PANANAGUTAN, AT PAGHILOM NG AMING BAYAN.

SA INYONG BANAL NA PANGALAN, KAMI AY NANANALANGIN. AMEN. 

Source: Senate of the Philippines website